كشخص عاوز يبدأ بيزنس خاص بيه، بتفكر وتفكر في إنك تلاقي فكرة جديدة محدش عملها قبل كده.. لكن بعد ما تفكر وتتعب نفسك وتيجي للتنفيذ بتخاف إن فكرتك دي ممكن تتسرق أو حد يقلدها.. لكن إحنا في#العنود بنقول لك إن الأفكار العظيمة بتبقى بسيطة لدرجة إن أي حد بيؤمن إنه قادر ينفذها..


فكر في (جوجل) كمثال، إنتا بتكتب نص في مربع البحث وبدوسة زرار واحد بتلاقي 10 لينكات ظهروا ليك عن الموضوع اللي بتبحث عنه.. بسيطة، مش كده؟ شركة (آبل) مثلًا، بتصنع موبايلات، وأي شركة عادية في الصين تقدر تعمل موبايلات برضو! شوف (فيسبوك)، شركة فكرتها قايمة على موقع بيسمح لك تعمل صفحة ليك فيها أصدقاء وعليها تقدر تكتب كلام وتشارك صور عن اللحظة الحالية ليك. قطاع الكهرباء، الزراعة، الأمن... إلخ..


كل دي مجالات ليها شركات عملاقة شغالة فيها، وكلها مبنية على "فكرة بسيطة" لكن على الرغم من كده فيه جوجل واحد، وفيسبوك واحد وآبل واحدة.. تقدر تلاقي ناس كتير بتقلّد وتسرق الأفكار، لكن محدش يقدر ينفذ نفس الفكرة ويوصل لنفس النتيجة!

علشان تنجح إنتا محتاج 3 حاجات:

 

1- تبدأ المشروع بتاعك في أسرع وقت.
2- إنك تلاقي طريقة بيها تطلع فلوس من منتجك أو مشروعك بسرعة..
3- تحافظ على مشروعك وتحرص إن يكون ليك حصة ثابتة في السوق وسط منافسينك، وتشتغل على إنك تكبّر حصتك في السوق.

في الختام بنقول لك لازم تنفذ فكرتك بأسرع ما يكون وتآخد أول خطوة في سبيل تحقيقها. وإن كنت عاوز تبدأ ومش عارف تبدأ منين أو إزاي؟ كلمنا وأسألنا وإحنا هنجاوبك على كل أسئلتك.

Search
Latest