سنة 2008، واحد أسمه (ترافيس كالانيك) حضر مؤتمر عن التكنولوجيا في باريس، وبعد ما خلص وكان واقف برّه مستني تاكسي ييجي له، خطر في باله سؤال: ليه منقدرش نطلب تاكسي من الموبايل بتاعنا؟ ومن هنا كان ميلاد شركة "أوبر"

فكرة "أوبر" كانت عبقرية وفريدة من نوعها، وقدرت تجمع تمويلات بمبالغ ضخمة. أول تمويل أتدفع لها من المستثمرين كان بقيمة 11.5 مليون دولار، وده رفع قيمة الشركة الأصلية لـ17 مليار دولار.

نجاح "أوبر" مكانش من يوم وليلة! ولكن ليها قصة طويلة جدا، وإحنا في #العنود أستخلصنا من القصة دي دروس يفيدوك لو بتفكر تبدأ شركة أو مشروع:

1) متخافش إنك تبدأ صغير:
من 5 سنين فاتوا، أوبر كانت عبارة عن فريق مكون من 4 أشخاص بس ومكانتش شركة كبيرة وقت ما بدأت. ومروا بوقت كبير صعب مع موارد متحطمة وأغلب الجهد المبذول كان بيضيع بس علشان يخلي البيزنس يستمر؛ لذلك إبدأ صغير ومع الوقت البيزنس بتاعك هيكبر ويزدهر.

2) دوّر على مشكلة تحلها:
فكرة أوبر ظهرت لما (كالانيك) واجه مشكلة عادية جدًا: إنه يلاقي تاكسي في باريس!
ناهيك عن مين شركتك وبتقدم إيه؟ فكل شركة كبيرة نعرفها دلوقتي بتساعد الناس بطريقة أو بأخرى في حل مشاكلهم وتحسين حياتهم للأفضل.. لما يبقى شغلك قائم على حل مشكلة محددة فإنتا بتضيف قيمة لحياة عملاءَك تخليهم ميقدروش يستغنوا عنك.

3) أعمل حاجات تذهل الناس وتخليهم يتكلموا عنها وعنك:
الأخ (ترافيس كالانيك) متأكد من إن واحدة من السياسات اللي بيبقى ليها تأثير السحر هوا إنك تخلي الناس جزء من اللعبة، عن طريق إنك إما تديهم فلوس، أو توفر عليهم فلوس، وده بدوره هيأدي لإن علاقتك مع الناس تبقى أقوي ويرشحوا شركتك أو خدمتك ومنتجك لمعارفهم يستخدموه ويشتروا منك، وده أسمه الـWord Of Mouth في عالم التسويق. وده اللي بالفعل عمله في "أوبر" وحل للناس مشكلة جشع السواقين!

4) المستقبل في الأونلاين:
أوبر لو متعرفهاش فهيا شركة قائمة كليًا على الإنترنت، وده معناه إنك علشان تستخدم خدمات الشركة مفيش محل بتروحه أو طابور بتقف فيه تستنى الدور.. وفي حين إن فيه ناس كتير متعرفش عن الأونلاين بيزنس وإزاي يستفادوا منه؛ فـ"أوبر" عارفة كده كويس ونجحت وأستمرت على مدار السنين اللي فاتت وهتستمر لعقود جايه.

إحنا هنا بنقدملك خبرات واستشارات ليك كصاحب بيزنس أو لسه بتفكر في مشروع تفتحه فلو عندك أي سؤال، أو استفسار أو فكرة في بالك، كلمنا في رسايل البيدج أو هنا في التعليقات وإحنا هنساعدك ونقول لك إزاي تبدأ في تنفيذ فكرتك خطوة بخطوة.

Search
Latest