متاخدش نصيحة من أي حد وخلاص.. خد نصيحة من خبير..

مؤلف كتاب "الموهبة" بيتكلم عن إنه في مرة قدم استشارة لشاب أمريكي أسمه "كين" الشاب ده كان مديون لمطبعة بـ25 ألف دولار أمريكي؛ سعّر الكتب وطبعها وكان فاكر إنه هيقدر يبيعها كلها. الكتب دي كانت دليل تجاري لأصحاب المطاعم في نيويورك، بيشرح فيه إزاي أصحاب المطاعم يستخرجوا تصاريح يفتحوا بيها مطاعم في نيويورك وأحسن مكان منه يشتروا معدات المطبخ وكده.. وكان الربح في مشروعه الصغير ده قائم على بيع الدليل ده وعلى نسبة من الإعلانات اللي بيحطها جواه.


أول مشكلة قابلته في مشروعه إنه مقدرش يبيع غير 1500 كتاب بس من أصل 10 آلاف كتاب، والمشكلة التانية إنه بمرور الوقت الدليل بيبقى أقدم وملهوش لازمة فلازم يبيع الـ8500 كتاب بأسرع ما يمكن!

المؤلف شايف إن "كين" كان غلطان لأنه كان متفائل زيادة عن اللزوم، ومكانش مخطط كويس أرقامه وحساباته مكانتش مظبوطة، وإنه كان لازم يعرف قدراته كويس ويعرف السوق بتاعه أكتر.


فالمؤلف سأل كين، إنتا استشرت خبير في المجال ده قبل ما تبدأ مشروعك؟ 
قال له: آه، وقال له إن المحاسب اداله خطة يبيع بيها كتابه بس واضح أنها مجابتش نتيجة.

كين كان يعرف واحد شغال في المجال ده، لكنه مفكرش يستشيره، لكنه لما استشاره بالفعل قال له الراجل ده إنه بيقدر يبيع 7 آلاف نسخة بس من دليل شبيه باللي كين بيبيعه، وده بعد خبرة 10 سنين شغل في المجال ده..


ممكن لما تقرأ اللي حصل ده تخاف تبدأ مشروعك علشان متفشلش! لكن الفشل والخسارة اللي حصلت دي كانت بسبب إن "كين" بدأ من غير ما يستشير ويآخد رأي ناس "خبيرة" في المجال، وأعتمد على استشارة محاسب كل تعاملاته في الأرقام والفواتير.. علشان كده لازم قبل ما تبدأ أول خطوة، لازم تستشير ناس عندها خبرة في البيزنس وإدارة الأعمال ويعرفوا يدوك الاستشارة الصح.


وده اللي بنقدمه ليك في #العنود.. استشارات مخصوص ليك ولمشروعك تحديدا فلو عندك أي سؤال، أو استفسار أو فكرة في بالك، كلمنا في رسايل البيدج أو هنا في التعليقات وإحنا هنساعدك ونقول لك إزاي تبدأ في تنفيذ فكرتك خطوة بخطوة.

Search
Latest