وارد إن أي شركة تقع في أخطاء كبيرة تأثر على أسعار الأسهم بتاعتها وتستنزف من أموالها. 
أوقات بتكون الخساير دي جاية من الشركات الرائدة في مجالها، مش من شركات متوسطة. لكن الأهم إن تتم مراعاة والنظر إلى أخطاء الشركات الكبيرة على إنها دروس مهمة بالنسبة للشركات الصغيرة ومتوسطة الحجم. 
لذلك هنذكر أشهر الأخطاء اللي حصلت من أكبر الشركات العالمية علشان يكون فيها عبرة لأي شركة موجودة حاليًا مهما كان حجمها.

- سنة 1985 غيرت شركة كوكا كولا علامتها التجارية إلى "Coke" وكمان الوصفة السرية اللي كانت بتستخدمها لمدة 99 سنة متواصلين. وده أدى لإن الشركة استقبلت 400 ألف شكوى من الناس اللي بيشتروا المنتج بتاعها، وفي خلال 87 يوم كانت تراجعت عن اللي عملته.

- شركة "21st Century Fox" قررت سنة 1977 إنها تبيع كل الحقوق الخاصة بسلسلة "Star Wars" للنجم السينمائي "george lucas" مقابل 20 ألف دولار بس. 
والنهارده مبيعات السلسلة أكتر من 30 مليار دولار، كلها جت عن طريق الـ20 ألف دولار.

- سنة 2000 عرضت شركة "Netflix" عرض استحواذ على شركة "Blockbuster" بقيمة 50 مليون دولار. وبعد 14 سنة قفلت الشركة الأخيرة كل فروعها وبقت قيمة الأولى 900 مليون دولار.

- شركة ويسترن يونيون المشهورة للحوالات المالية، سنة 1976 رفضت دفع مبلغ 100 ألف دولار تشتري بيها براءة اختراع الهاتف؛ لأنها كانت شايفة إن الهاتف هيكون مجرد لعبة إلكترونية. والخطوة دي ضيعت عليها الحصول على ملايين الملايين من الدولارات.

- سنة 1986 اشترى "ستيف جوبز" شركة "بيكسار" بـ5 مليون دولار بعد ما تم طردُه من شركتُه: آبل. وبعد عشرين سنة باع شركة "بيكسار" بـ6.4 مليار دولار لشركة ديزني.

أخطاء الشركات الكبيرة كتيرة ومنتشرة ومعروفة، لكن العبرة والأفضلية بتكون للشركة اللي بتتعظ من الأخطاء دي وتاخدها كدروس ليها وتستفاد منها ومتُقعش فيها بدورها. 
لذلك، لو عندك شركة ومحتار في الطريقة الأنسب لإدارتها، اتواصل معانا واحنا في العنود هنقدم لك خدمة الاستشارة الصحيحة اللي تساعد في إنها تنجح شركتك.

#إبدأ_Business

البحث
أخر